وزیر اعظم نریندر مودی کا آج ”من کی بات” سے خطاب

اطلاعات کے مطابق وزیر اعظم نریندر مودی 30 اپریل یعنی اتوار کو من کی بات سے خطاب کریں گے۔ خاص بات یہ ہے کہ اس اتوار کا ماہانہ ریڈیو پروگرام ‘من کی بات’ اس سیریز کی 100ویں قسط ہوگی۔ اس 100ویں قسط کو تاریخی بنانے کے لیے خصوصی تیاریاں کی گئی ہیں۔ یہ ایپی سوڈ ملک بھر کے 4 لاکھ مراکز پر براہ راست نشر کیا جائے گا۔ ‘من کی بات’ کے اس پروگرام میں ملک بھر سے مختلف سماجی تنظیمیں، سول سوسائٹی اور دیگر تنظیمیں بھی بڑی تعداد میں شرکت کرنے جا رہی ہیں۔ یہاں تک کہ دنیا بھر میں بیرون ملک مقیم بھارتی بھی وزیر اعظم کی ‘من کی بات’ کے اس 100ویں ایپی سوڈ کو سنیں گے۔ نو سال قبل 3 اپریل 2014 کو شروع ہونے والا یہ خصوصی ریڈیو پروگرام اتوار کو 100 اقساط مکمل کرے گا۔ ان نو سالوں میں ‘من کی بات’ میں پی ایم مودی نے ملک کے لوگوں سے براہ راست بات چیت کی ہے