بھارتی وزیر اعظم نریندر مودی کا امریکی دورہ، وزیر اعظم مودی اور جوئیڈن بین الاقوامی مسائل پر بات چیت کریں گے۔ اس دورہ کو اہم مانا جارہا ہے۔ وزیر اعظم مودی یوگا دیوس کے موقع پر یوگا تقریب کی قیادت بھی کریں گے۔

آل انڈیا مسلم پرسنل لاء بورڈ کے ایک وفد نے ملک کے بڑے لیڈر اور مہاراشٹر پردیش کانگریس پارٹی کے صدر مسٹر نانا پٹولے سے ملاقات کی اور ان سے ملی مسائل پر تفصیلی گفتگو کی گئی ـ

یونیفارم سول کوڈ : لا کمیشن نے پھر سے یکساں سول کوڈ پر مشاورت کا عمل شروع کر دیا ہے۔ اس کے لیے عوامی اور مذہبی تنظیموں سے رائے طلب کی گئی ہے۔ کمیشن نے بدھ (14 جون) کو ایک بیان جاری کرتے ہوئے کہا کہ 22 ویں لاء کمیشن نے ایک بار پھر یکساں سول کوڈ کے بارے میں تسلیم شدہ مذہبی تنظیموں سے یکساں سول کوڈ پر ان کی رائے و خیالات جاننے کے لیے نوٹس جاری کردیا ہے۔

مہاراشٹر کے کولہا پور میں ایک پوسٹ کو لے کر تنازع پیدا ہوگیا ۔ جس پر ہندو تنظمیوں کے اراکین نے کولہا پور کے چھتر پتی شیوا جی چوک پر لوگوں کو جمع کرنے کی اپیل کی۔ اسی کو لے کر شیو سینا لیڈر نے تنقید کرتے ہوئے کہا کہ ’’ کرناٹک میں بجرنگ بلی کا جادو نہیں چلا تو اب بی جے پی نے اورنگزیب پر سیاست شروع کردی ہے‘‘۔

وزیر اعظم نریندر مودی کو امریکی پارلیمنٹ (کانگریس) کے مشترکہ اجلاس سے خطاب کرنے کی دعوت ملی ہے۔ دعوت نامے کے مطابق 22 جون کو وزیر اعظم نریندر مودی امریکی کانگریس کے مشترکہ اجلاس سے خطاب کریں گے۔ جس پر وزیر اعظم نے تشکر کا اظہار کیا ہے۔