داعی اسلام مولانا کلیم صدیقی کی ضمانت منظور

ایڈوکیٹ اسامہ ندوی نے بتایا کہ کچھ پریس ریلیز نظروں سے گزری ہے جس میں ایک جماعت اپنے سربراہ کے سر ضمانت کا سہرا باندھ رہی ہے وہ بالکل جھوٹ اور بے بنیاد ہے مولانا کی لیگل ٹیم شروع سے اس معاملے کی پیروی کررہی ہے جس کی بنا پر خدا نے ہمیں آج کامیابی عطا فرمائی ان شاء اللہ مولانا ایک ہفتے کے اندر سلاخوں سے باہر آجائیں گے۔بتا دیں کہ اب بھی ڈیڑھ درجن کے قریب لوگ اس معاملے میں ٹرائل کا سامنا کر رہے ہیں اور وہ جیل میں ہیں۔ مولانا کلیم صدیقی کے وکیل ایڈوکیٹ اسامہ ادریس ندوی نے بتایا کہ مولانا کلیم صدیقی کو ہائی کورٹ سے ضمانت مل گئی ہے، جلد وہ جیل سے باہر آجائیں گے، دیگر افراد کی بھی ضمانت کے لیے کوششیں جاری ہیں۔واضح رہے کہ جیسے ہی مولانا کلیم صدیقی صاحب کی ضمانت کی خبر سوشل میڈیا پر وائرل ہوئی مسلمانوں کا ایک بڑا طبقہ خوش نظرا ٓیا جو مولاناکلیم صدیقی کے نظریات وخیالات کا حامی تھا۔ فیس بک، ٹوئٹر پر ہندوستان بھر میں ان کی تصاویر خدا کے شکریے کے ساتھ مبارک بادی کے پیغام لکھے ہوئے تھے۔ بتادیں کہ مظفرنگر کے گاؤں پھلت سے تعلق رکھنے والے مولانا کلیم صدیقی شاہ ولی اللہ ٹرسٹ چلاتے ہیں۔ اس کے علاوہ وہ گلوبل پیس فاؤنڈیشن کے بھی چیئرمین بھی ہیں۔ ستمبر ۲۰۲۱ کو یوپی اے ٹی ایس نے مولانا کلیم صدیقی اور اُن کے تین ساتھیوں کو میرٹھ سے نے گرفتار کیا تھا۔ اے ٹی ایس نے الزام لگایا تھا کہ مولانا کلیم صدیقی ایسے گروپ سے تعلق رکھتے ہیں جو ہندؤں کا مذہب تبدیل کرنے میں ملوث ہیں۔ مبینہ طور پر مولانا کلیم صدیقی پر مذہب تبدیل کرانے کے علاوہ غیر ممالک سے اس کام کے لیے فنڈ جمع کرنے کا ابھی الزام ہے۔ مولانا کلیم صدیقی پہلی شخصیت نہیں ہیں جن پر اس طرح کا الزام لگاکر انھیں گرفتار کیا گیاہو، اس سے قبل کئی اسلامی اسکالر پر ایسے الزامات لگے ہیں۔ ۔