"نعتیہ شاعری” شاعری کی ایک مشہور و معروف اور مقبول صنف ہے، لیکن یہ شاعری کی سب سے مشکل اور دشوار صنف بھی ہے، اس میں شاعر کو بہت احتیاط سے چلنا پڑتا ہے، ورنہ خطرہ رہتا ہے کہ تعریف نبی ﷺ میں کہیں افراط و تفریط نہ ہوجائے ……..

ابتدائے آفرینش سے لے کر اب تک انسانیت کی تاریخ میں جس شخصیت نے اپنی رحمت و رافت، شفقت و مہربانی، عفو و کرم اور ہمدردی و غم گساری سے پورے عالم کو سب سے زیادہ متاثر کیا. وہ ہستی نبی آخر الزماں رحمۃ للعالمین حضرت محمد صلی اللہ علیہ وسلم کی ذات اقدس ہے۔