اسی بحث کو اگر ہم سیاسی پس منظر میں غور کریں تو ہم دیکھتے ہیں کہ قوموں کی قیادت کرنے والے دنیا کے جتنے بھی لیڈر اور رہنما رہے ہیں ان کے اندر جتنا زیادہ attitude رہا ہے وہ اتنے ہی بہادر اور بے باک ہوۓ ہیں ۔ان کی پہچان قوموں سے نہیں بلکہ قوموں اور خاندانوں کی پہچان ان کی وجہ سے ہوئی ہے ۔انہوں نے اپنی ناکامی کا رونا یہ کہہ کرنہیں رویا یا یہ شکایت نہیں کی کہ لوگ اچھے نہیں ہیں یا ان کی قوم نااہل تھی اور انہوں نے اپنی جدوجہد ترک کرکے گوشہ نشینی اختیار کر لی ۔کامیاب رہنما یا تو قوموں کو اہل بناتا ھے یا وہ اس کے اندر اہلیت پیدا کرتے کرتے شہید ہو جاتا ہے یا اگر کبھی اس کو خود اپنی قوم کی طرف سے ہی جان خطرہ لاحق ہو جائے تو بہت سے ایسے لیڈروں نے جلاوطنی کی زندگی کو بھی ترجیح دی ہے ۔دنیا میں آج بھی جس قوم کے قائدین کے اندر یہ دو چیزیں یعنی غیرت اور خوداعتمادی کی صفات ہے وہ اپنے مخالفین کی ٹکنالوجی سے بھی مرعوب نہیں ہے اور انہوں نے اپنی جدوجہد بے سروسامانی میں بھی جاری رکھی ہے ۔اسی کی مثال دینے کی ضرورت نہیں ہے ۔یہی مومن کی صفات بھی ہے ۔یعنی خدا کا مطلوبہ مومن وہ ہے جس میں غیرت ،خودداری اور خوداعتمادی کا جذبہ ہو ۔قرآن میں جب یہ آیت آتی ہے کہ تم ہی غالب رہو گے اگر تم مومن ہو تو اس کا مطلب صاف ہے کہ اگر آج اہل ایمان مغلوب ہیں تو اس لئے کہ وہ اپنی ایمانی غیرت و حمیت اور خوداعتمادی سے محروم ہو چکے ہیں ۔اس کے برعکس عبادات کے نام پر تو مسجدیں آج بھی آباد ہیں ۔دعوت و تبلیغ بھی پہلے سے زیادہ ہو رہی ہے ۔شاندار مسجدیں اور مدرسے بھی پہلے سے زیادہ تعمیر ہو چکے ہیں لیکن ان سب کے باوجود اہل ایمان اصل غیرت اور خودداری سے محروم ہیں تو اس لئے کہ وہ یا تو مال کی محبت میں گرفتار ہیں یا ان کے اندر عمل کے نام پر صرف دکھاوا اور فلسفہ ہی رہ گیا ہے ۔اقبال نے اپنی قوم کے زوال ایک وجہ یہ بھی بتاتے ہویے لکھا ہے کہ