انسان کی زندگی بنیادی طورپر اجتماعیت کی پابند ہوتی ہے۔وہ فطرتاً ناستک اور بے رحم بھی نہیں ہوتا ۔مگر شیطان ہمیشہ اس کے ذہن میں وسوسے ڈال کر اس کو اس کی اسی فطرت سے بغاوت پر آمادہ کرکے فساد برپا کرنے کی کوشش کرتا ہے ۔یعنی وہ مختلف طریقے سے اس کے اندر تفریق پیدا کر کے ٹکڑوں میں بانٹ کر آپس میں لڑانے کی کوشش کرتا ہے ۔

ہندوستان ایک ایسا تکثیری ملک ہے جہاں مختلف رنگ ونسل کے انسان الگ الگ مذہبی روایتوں کے ساتھ انیکوں بولیاں بولنے والے زندگی جیتے ہیں،یہاں بسنے والے لوگوں میں مختلف” پرسنل لا “کے ماننے والے ہیں،ہر ایک کا کلچر اور تہذیب اپنے حساب سے ہے،یہاں کے دستور میں بھی اس پہلو کا پورا خیال رکھاگیا ہے

ان دنوں پورے ملک میں یکساں سول کوڈ کا موضوع زیر بحث ہے، چونکہ مکمل ڈرافٹ ابھی پیش نہیں کیا گیا ہے اس لیے کئی حلقوں سے اس پر کوئی واضح رائے سامنے نہیں آئی ہے۔ تاہم حکومتی اعلامیہ اور سیاسی پارٹیوں کی جانب سے جو بیان بازی کی جا رہی ہے اس سے بہت کچھ مطلب صاف ہوجاتا ہے کہ اس بل میں کیا ہوگا۔

” یکساں سول کوڈ کا شوشہ ایک سازش ہے ملک کے خلاف ،سازش ہے مسلمانوں کے خلاف ، سازش ہے ہندووں کے خلاف ، یہ سازش ہے اس وطن کو توڑنے کی ایک منظم سازش ، لوگ بڑے چکنے چپڑے چہرے کے ساتھ چکنی چپڑی باتیں کیا کرتے ہیں ، کتنا مکر وہ ذہن ہے ان کا ،کتناگندہ دل ہے ،یہ سوچنے کی ضرورت ہے اور دیکھنے کی ضرورت ہے،دیکھنے والی نگا ہ چاہئے،چشم بینا چاہئے تو اندازہ ہوگا کہ وہ کتنی بے ایمانی کے ساتھ کام کر رہے،ہیں اس حقیقت سے بھی انکار نہیں کیا جا سکتا کہ مذہبی آزادی یا پرسنل لا کا تحفظ اور آئین کی گنجائش مسلمانوں پر یا کسی خاص طبقہ پر کوئی احسان نہیں ہے ، بلکہ یہ ملک کی ضرورت ہے “ ۔

دادا کی موجودگی میں پوتے پوتیوں کے حقوق :نہ جانے کس نے یہ مسئلہ عام کر دیا ہے کہ دادا کی موجودگی میں اگر باپ کا انتقال ہو جائے تو اس کی بیوہ اور یتیم بچے وراثت سے محروم ہو جاتے ہیں ! کیا واقعی اسلام ایسے ظلم وزیادتی کو روا رکھتا ہے ؟ قطعاً نہیں ۔ وہ محروم نہیں ہوتے ہیں ان کے حقوق محجوب ہو جاتے ہیں کہ ایسی صورت میں یعنی دادا کی موجودگی میں باپ کی وفات ہو جائے تو بیوہ اور یتیم بچے محروم نہیں محجوب ہو جاتے ہیں