شہر ممبئ کی ایک اور علمی، عملی، سماجی، تعلیمی اور معاشرتی شخصیت رخصت ہوئی ـ حضرت مولانا مستقیم احسن اعظمی، انتہائی بااخلاق، خوش اطوار، خوش لباس، خوش گفتار، متحرک، فعال، وجیہ، جاذب نظر، یارباش ہونے کے ساتھ مرنجامرنج شخصیت کے حامل تھےـ

مولانا محمد اسلام قاسمی بھی علمی وفکری حلقہ کو سوگوار چھوڑ کر رخصت ہوگئے، ہم سب سے جدا ہو کر کے اللہ کی بارگاہ میں چلے گئے جہاں صرف حسنات ہی کار آمد ہوتے ہیں اور محسن انسانیت حضرت محمد صلی اللہ علیہ وسلم نے :اذکروا محاسن موتاکم "کے ذریعہ وفات یافتہ افراد کے انھیں حسنات ومحاسن کو یا کرنے اور ذکر کرنے کا حکم فرمایا ہے۔

مولانا 1982 تک متحدہ دارالعلوم دیوبند میں نمایاں خدمات انجام دے رہے تھے اور معروف ادیب مولانا بدر الحسن قاسمی (کویت) صاحب کے ساتھ دارالعلوم سے شائع ہونے والے عربی زبان کے مشہور مجلہ” الداعی ” کی ادارت وترتیب میں مصروف عمل تھے،1982 میں مخصوص طبقہ کی فساد انگیزیوں اور حضرت حکیم الاسلام رح پر ناروا ستم کے بعد جن لوگوں نے بددل ہوکر علیحدگی اختیار کرلی ان میں مذکورہ دونوں حضرات بھی تھے،مولانا اسلام صاحب نے اس کے بعد دارالعلوم وقف سے وابستگی اختیار کرلی،حجۃ الاسلام اکیڈمی کے قیام کے بعد مجھے دارالعلوم وقف سے شائع ہونے والے عربی واردو مجلات اور لٹریچر سے دلچسپی ہوئی تو مولانا کی کاوشیں بھی کثرت سے سامنے آنے لگیں اور علم ہوا کہ مولانا عربی کے ساتھ ساتھ اردو کے بھی دلنواز صاحب قلم ہیں اور آپ کا اسلوب بہت البیلا اور سلیس ہے۔

کتنی جلدی تجھے ترے ساتھیوں نے بھلادیا، تین ہی سال گذرے ہیں، آپ کے بڑے بھائی شیخ علی اختر مکی کے علاوہ کسی نے بھی کوئی تعزیتی کلمات نہیں پیش کیے ، یہی زندگی اور دوستی کی حقیقت ہے، جب تک سانسیں چل رہی ہیں، مزاج پرسی کا سلسلہ رہتا ہے، زندگی کی ڈور ٹوٹتے ہی اپنے بھی بھلا دیتے ہیں۔ آہ پروفیسر ولی اختر مرحوم