توانائی کانفرنس – 2024

کولکاتا: کنفیڈریشن آف انڈین انڈسٹری (CII) مشرقی ریجن کی جانب سے "توانائی کانفرنس 2024” کا انعقاد کولکاتا میں کیا گیا۔ یہ تقریب ۲:۰۰ بجے دوپہر شروع ہوئی اور اس کا مقام پریس اینڈ میڈیا ہال، بسوا بنگلہ میلہ پرانگن (سائنس سٹی کے سامنے) تھا۔

اس کانفرنس میں محکمۂ غیر روایتی و قابل تجدید ذرائع توانائی کے وزیر محمد غلام ربانی نے خاص طور پر برطانوی ڈپٹی ہائی کمیشن کولکتہ کے مختلف اسٹیک ہولڈرز اور برطانوی ڈپٹی ہائی کمیشن کے سفیر ڈاکٹر اینڈریو فلیمنگ کے ساتھ تجدیدی توانائی کے شعبے میں مضبوط شراکت داری کے قیام کے لئے اپنے خیالات کا تبادلہ کیا۔

کانفرنس میں توانائی کے شعبے میں ترقی اور قابل تجدید ذرائع کی اہمیت پر تفصیل سے بات کی گئی، اور عالمی سطح پر اس شعبے میں بڑھتی ہوئی سرمایہ کاری اور تعاون کے امکانات پر زور دیا گیا۔ اس موقع پر مختلف ماہرین اور صنعت کے نمائندگان نے مستقبل کے لئے توانائی کی پائیداری اور اس کے عالمی اثرات پر اپنی رائے پیش کی۔

یہ ملاقات توانائی کے شعبے میں بھارت بالخصوص مغربی بنگال اور برطانیہ کے درمیان قریبی تعلقات کو فروغ دینے اور دونوں ممالک کے ماہرین کو ایک دوسرے سے سیکھنے کا موقع فراہم کرنے کے لیے ایک اہم اقدام ثابت ہوئی۔