#یادرکھئے!کہ قرآن واحادیث کی من مانی تفاسیرمعتبر نہیں ہیں،اللہ نے صرف قرآن کریم کو نازل نہیں کیا،بلکہ نبی کریم ﷺ کی بھی بعثت فرمائی،یعنی کتاب کے ساتھ،اس کتاب کے معلم کو بھیجا گیاتاکہ اپنے جان نثار شاگردوں کے ذریعہ قیامت تک آنے والی انسانیت کے پاس کتاب بھی پہونچے اور اس کے معانی بھی،احادیث رسول ﷺ کے سلسلہ میں بھی اپنی طرف سے تاویل وتفسیر کاکوئی اعتبار نہیں ہے،مذہب اسلام کایہی تو اعجاز ہے کہ اللہ  کے رسول ﷺ نے جو بات ارشاد فرمائی ہے،صرف الفاظ نہیں،اس کے معانی بھی محفوظ ہیں،محدثین نے اسی لئے ایک ایک حدیث پر بہت ہی واضح انداز میں،شرح وبسط کے ساتھ کتابیں لکھی ہیں۔