بہار اسٹیٹ مدرسہ ایجوکیشن بورڈ نے جو کلینڈر جاری کیا ہے۔ اس  کو لے کر مدارس ملحقہ کے اساتذہ اورمدارس کی  نمائندگی کرنے والی تنظیموں میں بے چینی دیکھی جارہی ہے۔ اساتذہ مدارس کا کہنا ہے کہ  کلینڈر میں کئی طرح کی خامیاں ہیں جس کا دور کیا جانا ضروری ہے۔  کلینڈر میں ٹائم ٹیبل سے قبل لکھا گیا ہے:

• ’’ وسطانیہ /فوقانیہ ،مولوی مدارس کے ٹائم ٹیبل کی فہرست (سنیچر سے سوموار) ‘‘  اب سوال پیدا ہوتا ہے  کہ ٹائم ٹیبل میں سنیچر سے سوموار کیوں لکھا گیا ہے۔ یا دوسرے دنوں میں تعلیم کا نظام کچھ اور ہوگا؟۔
• مدارس ملحقہ میں گذشتہ کئی سالوں سے تعلیم نوبالغان کا پروگرام جاری ہے۔ سنیچر اور اتوار کے  دن کا ایک گھنٹہ  اس کے لیے مخصوص ہے۔  جس کے خاطر خواہ نتائج سامنے آرہے ہیں۔  سوال یہ پیدا ہوتا ہے کہ مدرسہ بورڈ نے اپنے تعلیمی کلینڈر میں اس کا ذکر کیوں نہیں کیا؟ کیااب تعلیمِ نوبالغان کا پروگرام مدارس سے ختم سمجھا جائے؟
• مشن دکچھ کے تحت اسپیشل کلاس کا ذکر ہے۔ سوال یہ پیدا ہوتا ہے کہ کیا مدارس کے اساتذہ کی اس تعلق سے کوئی ٹریننگ ہوئی ہے؟
•  تعلیمی نظام الاوقات میں نماز کے اوقات کا خیال نہیں رکھا گیا ہے جبکہ یہ مدارس کا بنیادی حق ہے۔