آل انڈیا مسلم پرسنل لابورڈکیوں ؟

 علاوہ ازیں مسلم پرسنل لابورڈ کا اندور میں منعقد ہونے والا اجلاس بہت اہم بتایا جا رہا ہے ۔ اس میں صدارتی انتخاب کے ساتھ ساتھ ملک کی موجودہ صورت حال پر بھی غور کیا جائے گا ایسی رپورٹ ہے ۔ جس طرح سے یکساں سول کوڈ کو نافذ کرنے کی تیاری کی جا رہی ہے وہ اس وقت سب سے بڑا مسئلہ بنتا جا رہا ہے ۔ جس وقت بورڈ کا قیام عمل میں آیا تھا اس وقت بھی یکساں سول کوڈ کا ہی مسئلہ تھا چنانچہ جب بورڈ بن گیا تو اس نے سب سے پہلے حکومت سے اسی مسئلہ پر بات کی تھی اور حکومت کو سمجھانے میں کامیاب ہو گیا تھا ۔ بابری مسجد اور تین طلاق کے معاملہ میں بورڈ کی شکست سے بورڈ کی حیثیت بھی پہلے کے مقابلہ کافی کمزور ہوئی ہے اور اس کی سرگرمیاں بھی اب پہلے جیسے نہیں رہیں چنانچہ اب کوشش ہوگی کہ بورڈ کی حیثیت اور اس کے وقار کو بحال کیا جائے ۔ اسی پر سب سرجوڑ کر بیٹھیں گے ۔اب اس رپورٹ کے بعد اس پر بات کرنی ضروری ہے کہ کیا اب بھی بورڈ کا کوئی وجود رہ گیا ہے ؟ بورڈ ایک اچھا پلیٹ فارم ہے لیکن کس کے لیے ؟ اب تک مسلم پرسنل لابورڈ سے ملت کے کون سے بڑے مسائل حل ہوئے ہیں ۔اس سے زیادہ کام تو جمعیۃ علماء ہند نے کر دیے ۔مقدمات کے سلسلہ میں بھی اگر دیکھیں جمعیۃ علما ء ہند کے بورڈ سے زیادہ کام ہیں ۔ اصلاح شریعت کی بات کریں تو اس میں بھی جمعیۃ زیادہ آگے نظر آئے گی ۔ کیا بورڈ کی ضرورت ہے ؟ اگر ہے تو پھر بورڈ کو بورڈ کی طرح ہونا چاہئے ، جس طرح بورڈ ہے وہ ٹھیک ہے ۔