لکھنؤ (سیل رواں)
سماجوادی پارٹی کے صدر أکھلیش یادو نے ریاستی حکومت اور مرکزی قیادت کے تعلقات پر سخت نکتہ چینی کرتے ہوئے یوگی آدتیہ ناتھ کی قیادت پر طنزیہ انداز میں نشانہ بازی کی ہے۔
اکھلیش یادو نے اپنے سوشل میڈیا (ایکس) اکاؤنٹ پر ایک طنزیہ پوسٹ میں لکھا ہے کہ “اب کیا بلڈوزر کی جگہ برہموس بھیجنے والے ہیں؟” ان کا اشارہ موجودہ سیاسی حالات میں بی جے پی کے اندر پیدا ہونے والی سر پھٹول اور دہلی– لکھنؤ کے اختلافات کی طرف تھا۔
یہ تبصرہ ایسے وقت سامنے آیا ہے جب ریاستی اور مرکزی حکومت کے درمیان کئی امور پر اختلافات سامنے آ رہے ہیں، جن میں ماحولیاتی نکات، ترقیاتی پالیسیوں اور انتظامی امور شامل ہیں۔
سماجوادی پارٹی کے سربراہ نے طنزیہ انداز میں کہا کہ دونوں مرکز اور ریاست کے درمیان متضاد رویے سیاسی ماحول کو متاثر کر رہے ہیں، اور بی جے پی کی رہنمائی میں اختلافات کی نوعیت بڑھتی جا رہی ہے۔
سیاسی مبصرین کا کہنا ہے کہ یہ جملے آنے والے انتخابات سے پہلے یوگی آدتیہ ناتھ حکومت اور اپوزیشن کے درمیان کشیدگی کا عکس ہیں، جس سے سیاسی محاذ آرائی میں تیز رفتاری آ سکتی ہے۔
