آج 26 جنوری ہے۔ ابھی 22 جنوری کی شام ہی تو مولانا اطہر حسین دہلوی سے ملاقات ہوئی تھی ۔ جامع مسجد میں احمد بخاری صاحب کے یہاں ایک تقریب تھی۔ ہمارے حلقہ احباب میں سب سے جوان اور چاق و چوبند وہی نظر آتے تھے۔ اندازہ تو بہت دور شائبہ تک بھی نہیں تھا کہ انہیں کوئی تکلیف ہے۔ گھروالوں کےمطابق ایسی کوئی تکلیف تھی بھی نہیں۔ میں تقریب سے نکلنے لگا تو وہ اپنے مداحوں کا گھیرا توڑ کر دوڑے ہوئے آئے۔ کہنے لگے کہ ابھی آپ سے کوئی گفتگو نہیں ہوئی اور آپ نے محفل برخاست بھی کردی۔

انجمن منہاج رسول کے صدر، دہلوی تہذیب و اقدار کے علمبردار اور مشہور اسلامی اسکالر اچانک حرکت قلب بند ہونے کی وجہ سے اللہ تعالیٰ کو پیارے ہوگئے۔ انا للہ و اناالیہ راجعون

پندرہ اگست سنہ ۱۹۴۷ کو ہمارا ملک بھارت انگریزوں کی غلامی سے آزاد ہوا،۲۶ نومبر سنہ ۱۹۴۹ کو آزاد بھارت کا آئین بنا اور ۲۶ جنوری سنہ ۱۹۵۰ کو یہ آئین ملک میں نافذ ہوا۔اسی مناسبت سے پورے ملک میں ہرسال ۱۵ اگست کو جشن آزادی اور ۲۶ جنوری کو جشن جمہوریہ منایا جاتا ہے۔