اسلام کی نظر میں ہر عورت قدر و منزلت کی مستحق ہے _ وہ ہر ایک کو سیکورٹی فراہم کرتا ہے اور اس کی عزّت و وقار کے تحفّظ کے لیے ایک یا ایک سے زاید باڈی گارڈ متعیّن کرتا ہے ۔ لڑکی کے لیے باپ ، بہن کے لیے بھائی ، ماں کے لیے بیٹا ، بیوی کے لیے شوہر ، بہو کے لیے خسر ، بھتیجی کے لیے چچا ، اسی طرح دوسرے قریب ترین رشتے دار ۔ اسلام کہتا ہے کہ عورت اپنے روزمرّہ کے کاموں کے لیے تو تنہا گھر سے باہر نکل سکتی ہے ، لیکن اگر متعیّن مسافت سے زیادہ کا سفر کرے تو ضرور اپنے ساتھ اپنے محرم یعنی باڈی گارڈ کو لے لے ۔ یہ اس کی توہین نہیں ، بلکہ اعزاز ہے _ اس کی ناقدری نہیں ، بلکہ قدر افزائی ہے _

ہمارے سماج و معاشرہ میں ایک طرح سے شادیوں کا موسم چل رہا ہے۔ ہر روز کئیکئی بارات آرہے ہیں اور جا رہے ہیں۔ ہر محلے و گاؤں میں شادیاں منعقد ہورہیں ہیں۔ اور ان شادیوں میں رسم و رواج کے نام پر جس طرح کے خرافات انجام دیے جارہے ہیں۔ وہ کسی بھی اسلام پسند شخص کے لیے ناقابل برداشت ہے۔

خالقِ کائنات نے اگرسارے انسانوں کومختلف قوتوں سے نوازا، مختلف صلاحیتیں بخشیں، ان کے لئے زمین کو جائے قرار بنایا، انہیں اِس کرّۂ ارض کے گوشے گوشے میں پھیلادیا تو ظاہر ہے یہ بے مقصد نہیں ہو سکتا۔قرآنی آیات پر غور کیا جائے تو معلوم ہوگا کہ زمین پر متمکن ہر شخص ذاتی طور پرایک امتحان سے گزر رہا ہے۔ اور وہ امتحان یہ ہے کہ اسے بخشی گئیں متذکرہ صلاحیتوں اور قوتوں کااستعمال وہ انسانوں کی فوزو فلاح کے لیے کرتا ہے یا طاقت کے نشے میں سرشار ہوکر وہ دوسروں پر دھونس جماتا ہے! اس زمین پر وہ اپنی حیثیت کو پہچان کر جیتا ہے یا زمین کو اپنی ملکیت سمجھتے ہوئے زندگی گذارتاہے! اسی طرح دوسرے انسانوں کے اپنے اوپر عائد ہونے والے حقوق کو پہچانتا ہے یاان سے بے فکر ہوکر دوسروں کے حقوق پرشب خون مارتا ہے۔یہ ہے وہ امتحان جو مسلسل جاری ہے۔

انسانی تخلیق کے بارے میں جدید سائنس کا اپنا نظریہ یہ ہے کہ آدمی کئی ملین سال پہلے بندر تھا اور پھر مختلف علم و فن کے مراحل سے گزرتے ہوۓ متمدن اور مہذب انسان کہلایا ۔دنیا کی تمام آسمانی کتابیں اور آسمانی مذاھب کے ماننے والوں نے اس نظریے کو رد کیا مگر ان کے رد کرنے سے کوئی فرق نہیں پڑا ۔میں نے پچھلے مضمون "ہندو مذہب حقیقت اور بدگمانی کے آئینے میں” لکھا ہے کہ بیسویں صدی کے نئے ورلڈ آرڈر نے کیسے منصوبہ بند طریقے سے اقوام عالم پر سیاسی اور معاشی برتری حاصل کی اور سیکولرزم اور لبرلزم کے نام پر مذہبی تعلیمات کو بے وقعت قرار دے دیا ۔اس طرح سیکولر ممالک کے تعلیمی نصاب اور دستور میں بھی یہ بات تسلیم کروا لی گئی کہ انسانوں کا وجود ایک حادثاتی تخلیق کا نتیجہ ہے ۔اور یہ خدا ودا کا تصور جہالت کی باتیں ہیں ۔

مدارس ملحقہ کے مسائل ہیں کہ حل ہونے کا نام نہیں لیتے۔ لیڈران خاموش تماشائی بنے ہیں، اور مدارس کے مسائل میں روز افزوں اضافہ ہوتے جارہا ہے۔ ایسے میں ضروری ہے کہ ہر پارٹی کے لیڈران اس تعلق سے پیش قدمی کریں۔