اب دوسری طرف نظر کریں تو جنتر منتر پر گزشتہ 13؍دنوں سے خواتین پہلوان دھرنا دے رہی ہیں ۔ وہ مطالبہ کر رہی ہیں کہ کشتی فیڈریشن آف انڈیا کے صدر کو گرفتار کیا جائے، عہدے اور پارلیمنٹ کی رکنیت سے برخاست کیا جائے لیکن ان کی کوئی سننے والا نہیں ہے ۔ پاسکو ایکٹ کے تحت مقدمہ درج ہو نے کے بعد بھی آج تک کوئی کاروائی نہیں ہوئی کیوں ؟ اس کا جواب کون دے گا ؟ گزشتہ شب جنتر منتر پر جس طرح سے خواتین پہلوانوں پر پولیس نے حملہ کیا ۔ دو کھلاڑیوں کو چوٹیں بھی آئیں ،وہ بہت ہی افسوسناک ہے ۔ آج میں خود جنتر منتر گیا تھا اور دیکھا کہ وہاں کس طرح مظاہرین کو محصور کر دیا گیا ہے ۔ بیریکیٹنگ کر دی گئی ہے اور جو قصوروار ہے وہ میڈیا میں بیان بازی کرتا پھر رہا ہے ، پولیس کی ہمت نہیں ہے کہ وہ انھیں گرفتار کر سکے جبکہ مقدمہ سنگین ہے ۔ سپریم کورٹ کی مداخلت کے بعد مقدمے درج ہوئے ، دو ایف آئی آر ہوئیں اس کے باوجود کچھ نہیں ہے ۔ اب سپریم کورٹ نے کہا ہے کہ آپ لوور کورٹ جائیں ۔ وہاں کیا ہوگا سب کو معلوم ہے لیکن اس پورے معاملہ میں حکومت کیوں خاموش ہے ؟ ہمارے وزیر اعظم نریندر مودی کیوں خاموش ہیں ؟ اگر وہ تمام پہلوانوں کو چائے پر بلا لیتے اور بات کرلیتے اور جو قصوروار ہے اس کے خلاف کاروائی کر دیتے تو کیا یہ سب ہوتا لیکن پوری حکومت اور بی جے پی کرناٹک میں لگی پڑی ہے ۔ جب سے مودی حکومت آئی ہے اگر آپ غور کریں گے تو یہ مسلسل الیکشن ہی لڑتی نظر آئے گی ، کارپوریٹ تک کا الیکشن نہیں چھوڑ رہی ہے ۔ پلوامہ پر سوال اٹھایا گیا لیکن اس معاملہ کو بھی دبا دیا گیا ایسا لگ رہاہے ۔ ستیہ پال ملک کا بیان اب نظر نہیں آ رہا ہے لیکن مسئلہ ہے ۔ خیر گزشتہ رات جو خواتین کے ساتھ ہوا اس سے کسانوں اور لوگوں میں غصہ ہے اور یہ بی جے پی کے لیے نقصان دہ ہے ۔ اس کا یوپی اور کرناٹک دونوں جگہ ہو رہے الیکشن پر پڑ سکتا ہے ۔ نہ جانے کیوں اس پارٹی اور حکومت کو اب اس کا ڈر نہیں ہے کہ عوام ناراض ہو جائیں گے ۔ ایسا کیا ہے ؟ کون سا نشہ ہے ؟ سمجھ سے باہر ہے ۔