اطلاعات کے مطابق جھارکھنڈ کے سرائے کیلا۔ کھرساواں ضلع کی ایک مقامی عدالت نے ماب لنچنگ کے معاملے میں ملزمین کو مجرم قرار دیا ہے۔ یہ معاملہ 4 سال پرانا ہے یعنی 2019 کا جب تبریز انصاری کو ہجوم نے پیٹ پیٹ کر قتل کر دیا تھا۔ اس معاملے میں منگل کو 10 لوگوں کو مجرم ٹھہرایا گیا تھا۔ سرکاری وکیل اشوک کمار رائے نے بتایا کہ سزا 5 جولائی کو سنائی جائے گی۔انہوں نے بتایا کہ ایک ملزم کشال مہالی کی ٹرائل کے دوران موت ہو گئی ہے جبکہ دو دیگر کو ثبوت کی کمی کی وجہ سے بری کر دیا گیا ہے۔ ایڈیشنل ڈسٹرکٹ جج-I امت شیکھر کی عدالت کی طرف سے سزا سنائے جانے کے فوراً بعد ملزمین بھیم سنگھ منڈا، کمل مہتو، مدن نائک، اتل مہالی، سنامو پردھان، وکرم منڈل، چامو نائک، پریم چند مہالی، مہیش مہالی کو حراست میں لے لیا گیا ہے۔