حکومت نے، پارلیمنٹ کے مانسون اجلاس سے قبل 19 جولائی 2023 کو سبھی پارٹیوں کی میٹنگ طلب کی ہے۔ جس میں پارلیمنٹ کی کاروائی کیسے چلائی جائے، اور کس طرح خوش اسلوبی کے ساتھ اس کو اختتام تک پہنچائی جائے۔ پر آپس میں چرچا ہوگی۔ واضح رہے کہ پارلیمنٹ کا مانسون اجلاس پارلیمنٹ کی پرانی عمارت میں 20 جولائی کو شروع ہوگا اور گیارہ اگست تک جاری رہے گا۔ اس سے پہلے پارلیمانی امورکے وزیر پرہلادجوشی نے تمام سیاسی پارٹیوں سے زور دے کر کہا کہ وہ مانسون اجلاس کے دوران قانون سازی کے عمل اور دیگر معاملوں پر نتیجہ خیز بحث ومباحثہ میں اپنی شرکت کو یقینی بنائیں۔ ایک ٹویٹ میں جناب جوشی نے کہا کہ 23 دن تک چلنے والے اس سیشن میں کُل 17 اجلاس ہوں گے۔
