اطلاعات  کے مطابق بھارتیہ جنتا پارٹی (بی جے پی) کی پارلیمانی پارٹی کی میٹنگ کل ہوئی، جس میں وزیر اعظم نریندر مودی کو اعزاز سے نوازا گیا۔ یہ میٹنگ پارلیمنٹ ہاؤس کے احاطے میں ہوئی۔ اس دوران انہیں پھولوں کی مالا پیش کر کے عزت افزائی کی گئی۔ اس دوران بی جے پی ممبران اسمبلی نعرے بازی کرتے رہے۔ 3 ریاستوں میں انتخابی نتائج کے اعلان کے بعد انہیں یہ اعزاز دیا گیا ہے۔پارلیمانی پارٹی کی میٹنگ میں وزیر اعظم نریندر مودی نے کہا کہ تین ریاستوں میں ملی بڑی کامیابی سبھی کارکنوں کی جیت ہے، اس کو اکیلے مودی کی جیت نہ سمجھیں۔ وشوکرم یوجنا پر زور دیتے ہوئے وزیراعظم مودی نے کہا کہ سبھی ممبران پارلیمنٹ اس کو عام لوگوں تک پہنچانے کے لئے کام کریں۔ انہوں نے یہ بھی کہا کہ جو  مرکزی اسکیمیں ہیں، اس کو لے کر عام لوگوں تک سبھی اراکین پارلیمنٹ جائیں، سنکلپ یاترا کو کامیاب بنانے کے لئے سبھی اراکین پارلیمنٹ اپنے اپنے علاقوں میں کارکنوں سے رابطہ کریں اور خود بھی میدان میں اتریں۔