یونیفارم سول کوڈ کانفاذ
ہندوستانی اقلیتوں کے حقوق پر گہرا حملہ
از:- چودھری عدنان الیگ
ہندوستان ایک ایسا ملک ہے جہاں مختلف مذاہب، اقوام، برادریاں اور ثقافتیں سینکڑوں سالوں سے ہم آہنگی کے ساتھ رہتی آ رہی ہیں، یہی پہچان ہندوستان کی خوبصورتی اور طاقت ہے، آزاد ہندوستان کے آئین نے اس رنگارنگی کو محفوظ رکھنے کے لیے انصاف پر مبنی قوانین مرتب کیے تھے ، جنہوں نے ہر مذہب، ذات، اور تہذیب کو برابری اور آزادی کا حق عطا کیا، تاہم، یونیفارم سول کوڈ (یکساں سول کوڈ) کا نفاذ اس رنگارنگ سماج کے تحفظ میں کئی چیلنجز پیش کر سکتا ہے.
کیا دفعہ 25 سے 30 میں دی گئی مذہبی آزادی کی ضمانت کے باوجود یونیفارم سول کوڈ کا نفاذ آئینی خلاف ورزی نہیں ہوگا؟
کیا یہ اقلیتوں کو اپنے مذہبی قوانین پر عمل کرنے کے حق سے محروم نہیں کرے گا؟
کیا یہ مختلف مذاہب کے عائلی قوانین ختم کر کے ہندوستان کی مذہبی شناخت کو متاثر نہیں کرے گا؟
کیا یہ قانون مختلف طبقات کے درمیان سماجی ہم آہنگی کو توڑنے کا سبب نہیں بنے گا؟
کیا اس کا نفاذ فرقہ واریت، تشدد، اور سماجی بے چینی کو جنم نہیں دے گا؟
کیا یہ اقلیتی خواتین کو ان کے مذہبی تحفظات سے محروم نہیں کر دے گا؟
اسلامی نکاح، مہر، خلع اور وراثت جیسے حقوق کے خاتمے سے کیا متبادل قوانین ہوں گے؟
خواتین کے ساتھ بدسلوکی کرنے والوں کے خلاف تحفظات اور انصاف کا کیا طریقہ کار ہوگا؟
کیا یہ اقلیتی برادریوں کی ثقافتی شناخت ختم کرنے کا ذریعہ نہیں بنے گا؟
اقلیتی برادریوں کی علیحدہ شناخت اور روایات کا مستقبل کیا ہوگا؟
کیا اکثریتی مذہب والے اپنا مذہب اور اپنی قافت اقلیتوں پر مسلط کیے جانے کا خطرہ پیدا نہیں کریں گے ؟
کیا موجودہ عائلی قوانین کو ختم کرنے سے قانونی نظام میں انتشار پیدا نہیں ہوگا؟
کیا یہ مختلف رنگوں سے بھرے معاشرے میں عملی طور پر نافذ کیا جا سکتا ہے؟
مختلف علاقوں میں مختلف روایات کے سبب کیا قانونی پیچیدگیاں اور ناانصافی کے خدشات نہیں بڑھیں گے؟
کیا اس قانون کو سیاسی ایجنڈے کے طور پر استعمال کر کے اقلیتوں کو نشانہ نہیں بنایا جائگا؟
کیا یہ سیاسی جماعتوں کے درمیان تنازعات اور اختلافات کا سبب نہیں بنے گا؟
اگر حکومت واقعی انصاف چاہتی ہے تو دیگر مظلوم طبقوں کے مسائل پر توجہ کیوں نہیں دی جاتی؟
اگر نکاح، طلاق، اور وراثت کے قوانین یکساں کر دیے جائیں تو بچوں کے نان و نفقہ اور پرورش کے مسائل کیسے حل ہوں گے؟
کیا یہ خاندانی نظام کو کمزور کر کے بچوں کے حقوق کو متاثر نہیں کرے گا؟
کیا یہ اقلیتوں کی خود مختاری ختم کرنے کا ذریعہ نہیں بنے گا؟
کیا اس سے اقلیتوں کے مذہبی اداروں پر حکومتی کنٹرول بڑھانے کی کوشش نہیں ہوگی؟
یہ تمام سوالات ہندوستانی معاشرے میں یونیفارم سول کوڈ کے نفاذ کے حوالے سے انتہائی حساس اور اہم ہیں۔ اس قانون کا نفاذ کرنے سے پہلے ان سوالات کے جواب دینا اور تمام برادریوں کے ساتھ مکالمہ ضروری ہے تاکہ سماجی ہم آہنگی برقرار رہے اور ہر طبقے کے آئینی حقوق کا تحفظ یقینی بنایا جا سکے، اور غور و فکر کی جائے کہ ہندوستان جیسے کثیر المذاہب ملک میں یکساں قانون کیسے نافذ ہوگا؟
کیا ایسے قوانین کا نفاذ ممکن ہے جن کے اثرات مختلف گروہوں کے لیے ناقابل قبول ہوں؟
یونیفارم سول کوڈ کا نفاذ ہندوستان کے سماجی ڈھانچے اور رنگارنگی پر گہرے اثرات ڈال سکتا ہے، کسی بھی قانون کا نفاذ کرتے وقت ہندوستان کی مختلف خوبصورت رنگوں میں گھلی ملی ثقافت، تہذیب، اور آئینی حقوق کو مدنظر رکھنا ضروری ہے، دانشوروں، ماہرین، اور سماجی رہنماؤں کو اس حساس مسئلے پر جامع اور مدلل مکالمہ کرنے کی ضرورت ہے تاکہ سماجی ہم آہنگی برقرار رہے اور ہر طبقے کے حقوق محفوظ رہیں.
