ممبئی: بھارتی کرکٹ ٹیم کے سابق کپتان اور معروف مبصر سنيل گاوسكر نے ٹی ٹوئنٹی ورلڈ کپ کے سیمی فائنل کے دوران اسٹیڈیم میں شائقین سے کیے جانے والے ایک عمل پر ناراضی کا اظہار کیا ہے۔ انہوں نے کہا کہ جب بھارتی فاسٹ بولر جسپريت بمراه بولنگ کر رہے ہوں تو اس وقت شائقین سے “بوم بوم بمراہ” کے نعرے لگوانا مناسب نہیں۔
ممبئی کے وانكھيڑے اسٹيڈيم میں کھیلے گئے ICC Men’s T20 World Cup کے سیمی فائنل میں بھارت اور انگلینڈ کی ٹیمیں مدِ مقابل تھیں۔ میچ کے دوران اسٹیڈیم کے ڈی جے نے شائقین سے اپیل کی کہ وہ بمراہ کے حق میں “بوم بوم بمراہ” کے نعرے لگائیں، جب وہ بولنگ کے لیے دوڑ لگا رہے تھے۔
کمنٹری کے دوران گواسکر نے اس عمل پر تنقید کرتے ہوئے کہا کہ بولر کے رن اپ کے وقت اس طرح کے نعرے لگوانا درست نہیں۔ ان کے مطابق اگر شائقین جوش و خروش کا اظہار کرنا چاہتے ہیں تو اوور کے اختتام یا وقفے کے دوران کریں، مگر بولنگ کے دوران ایسا کرنا کھلاڑی کی توجہ متاثر کر سکتا ہے، خاص طور پر جب مقابلہ ورلڈ کپ جیسے بڑے ٹورنامنٹ کا ہو۔
واضح رہے کہ اس اہم مقابلے میں بھارت نے پہلے بیٹنگ کرتے ہوئے سات وکٹوں کے نقصان پر 253 رنز بنائے اور سنسنی خیز مقابلے کے بعد انگلینڈ کو سات رنز سے شکست دے کر فائنل میں جگہ بنا لی۔
