امور ودھان سبھا سے2020 میں  ایم ایل اے خطاب کے لیے  الیکشن لڑچکے  مولانا مطیع الرَّحمن قاسمی نے بیرسٹراسدالدین اویسی کے سیمانچل دورہ کو لے کر کہا کہ بہار سرکار جس قدر سیمانچل کے مسائل کو نظر انداز کرے گی۔ تیجسوی کا ” سیمانچل ڈیولپمنٹ” کے قیام کا وعدہ جب تک پورا نہیں ہوگا۔ سیمانچل میں اویسی کا قد اونچا ہی ہوگا۔مہاگٹ بندھن کے نیتاؤں کو اس جانب فوری توجہ دینی کی ضرورت  ہے۔انہوں نے کہا کہ  اختر الایمان یا اسدالدین  اویسی یرمہا گٹ بندھن  کی طرف سے الزام تراشی کہ” صرف بولتا ہے- بولنے سے کیا ہوتا ہے” جیسے بے تکے جملوں سے کام نہیں چلے گا۔ اگر مہا گٹ بندھن کے نیتا اپنی بات میں وزن اور وقار چاہتے ہیں۔ تو کچھ کر یں۔ سیمانچل کے کئ اہم مسایل ہیں۔ الیکشن سے قبل دوچار ہی سہی۔ حل کریں۔

مولانا مطیع الرَّحمن نے مزید کہا کہ  مہا گٹ بندھن کے لوگ اویسی اینڈ کمپنی کو بی ٹیم کا طعنہ دیتے ہیں۔ مگر یہ بھول جاتے ہیں کہ بی جے پی کے بہت سے بڑے نیتا کانگریس ریٹرن ہیں۔ بہار میں آج اگر بھاجپا مضبوط ہے۔ تواس میں نتیش کمار کا بڑا ہاتھ ہے۔ کل تک بھاجپا کے ساتھی اگر خیمہ بدلنے کے بعد بھاجپا ہراؤ کی بات کریں تو اٹ پٹا سا لگتا ہے۔ ہم تو یہی کہیں گے کہ مہا گٹ بندھن کے لوگ تعمیر و ترقی کی بات کریں ۔ سیمانچل ڈیولپمنٹ کا قیام ہو۔ ورنہ تو اویسی مزید مضبوط ہوں گے اور اس کا خمیازہ پورے بہار میں مہا گٹ بندھن کوبھگتنا ہوگا۔