واضح رہے کہ انیل کمار سنگھ دہلی کے نئے سروسز سکریٹری ہوں گے۔ سنگھ 1995 بیچ کے آئی اے ایس افسر ہیں۔ وہ جل بورڈ کے سی ای او رہ چکے ہیں ۔ سپریم کورٹ نے جمعرات کو اپنا فیصلہ سناتے ہوئے کہا تھا کہ پبلک آرڈر، پولیس اور زمین جیسے موضوعات کو چھوڑ کر دہلی حکومت کے پاس دیگر خدمات کے سلسلے میں قانون سازی اور انتظامی اختیارات ہیں وزیر اعلی اروند کیجریوال نے پریس کانفرنس میں کہا کہ حکومت میں بڑا انتظامی ردوبدل کیا جائے گا۔ انہوں نے عوامی کاموں میں ‘رکاوٹ’ کرنے والے اہلکاروں کے خلاف کارروائی کا انتباہ دیا۔ سپریم کورٹ کے فیصلے سے پہلے خدمات کا محکمہ دہلی کے لیفٹیننٹ گورنر کے کنٹرول میں تھا۔