دنیاوی نکتہ ‌نظر اور حساب کتاب سے دیکھا جاۓ ۔تو اس میں خدا کا ہی فائدہ ہے ۔اسے اتنی جنت بنانے کی بھی زحمت نہیں اٹھانی پڑے گی ۔نہ ماننے والوں کو ایک گہرے کنویں میں پھینک دیا جاۓ گا ۔کچھ لوگ کہتے ہیں کہ اگر مرنے کے بعد یہ نعمتیں نہ ملیں تو ۔اگر نہیں بھی ملی تو بھی اس کایینات کا مالک کسی کو کہاں دنیا کی نعمتوں کے حصول سے روک رہا ہے ۔سب تو دنیا ہی حاصل کرنے میں لگے ہیں ۔اس دنیا کے خالق کا مطالبہ تو صرف اتنا ہے کہ کھاؤ پیو مگر اصراف نہ کرو ۔ناجائیز طریقے سے کسی کا مال مت کھاؤ ۔جو خدا نے تم کو دیا ہے اسے غریبوں میں تقسیم کر کے کھاؤ ۔ایسا کرنے میں نقصان ہی کیا ہے ۔آپ جتنا خیر خیرات کریں گے دنیا میں اتنا ہی پیار محبت اور امن کا ماحول ہوگا اور کون نہیں چاہتا کہ وہ جس معاشرے میں رہ رہا ہے وہ پرسکون نہ ہو ۔اسلام نے تو دنیا کیلئے بھی ایک اچھی رہنمائی کی ہے ۔اس کاینات کا مالک دنیا میں بھی وعدہ کرتا ہے کہ ’’ان اللہ یرزق من یشاء بغیر حساب‘‘بے شک اللہ جسے چاہتا ہے بے حساب رزق دیتا ہے ۔اب اگر اللہ نیکیوں کے بدلے میں کسی کو بغیر حساب حوریں بھی دیتا ہے تو اس میں کسی شک کی کیا گنجائش ہے ۔جسے نہیں چاہئے وہ بے فکر ہو کر اپنی مرضی کے اعمال کریں انہیں کون روکتا ہے لیکن خالق کی  قدرت اور اس کے اختیار کے انکار میں نقصان ہی نقصان ہے کیوں کہ بالآخر ہر نفس کو موت کا مزہ چکھنا ہے ۔مرنے کے بعد کچھ بھی نہ ملا تو بھی مومن کا تو کچھ نقصان نہیں لیکن کفر کی حالت میں مرنے والوں کیلئے Reverse Gear والی ٹکنالوجی پر Full Stop لگ چکا ہوگا !