جانے والے تجھے روۓ گا زمانہ برسوں

حسرت زدہ نظروں سے چاروں اور ہم نے معائنہ کیا،گہرا غم اور بھر پور درد سے اپنے آپ کو بھی سراپا چھلنی پایا،جن کے حیات افروز لمس سے ہم سب کبھی سرسبز ہوجایا کرتے تھے آج ان کے مرجھانے ہی نہیں ان کے فنا ہونے کی خبر سے ہماری دنیا ہی ادھوری اور فناہیت کے دہانے پر کھڑی پڑی ہے ،جن کی روشن اور خوابیدہ آنکھوں سے ہماری زندگیاں سنورتی تھیں آج ان آنکھوں کی بینائیاں ہی نہیں بل کہ ان کے موندھ جانے کی خبر سے ہماری تمنائیں اور امیدیں ہی دم توڑ نے لگیں ییں،جن کی کھلی مسکراہٹ سے ہماری توانائیاں جواں ہوجایاکرتی تھیں آج اس مسکراہٹ کی دائمی بندش سے ہماراجسم ہی نہیں بل کہ ہماری روح ہی بے نور ہوگئ یے،جن کی محبت بھری نگاہوں سے ہمارے بال وپر کے پر میں پر لگ جایاکرتے تھے آج ان کی مفارقت پر فاختاؤں اور قمریوں کی طرح خود ہمارے گلے ہی سوکھنے لگے ہیں ، جن کے عزائم اور منصوبے سے ہم مہمیز ی کو انجام دیتے تھے آج ان کے روٹھ جانے سے ہمارے آنسو ہی خشک ہونے لگے ہیں،جن کی آمد سے ہماری مجلسیں عقیدت کی ڈالیاں برساتی تھیں آج ان کے منہ پھیر لینے سے ہماری قوتیں ہی ہم سے دور ہونے لگیں ییں،دل خراش خبر کرب ناک تھی،بے وقت مفارقت اذیت ناک تھی،فیصلہ قادر مطلق کا تھا،ماننا مجبوری ہے اس کے علاوہ کوئی چارہ بھی تونہیں تھا،ٹوٹا جسم میرا بھی ٹکڑوں میں بٹ چکا تھا ،ہمت جٹانے کے سوا کوئی اپاۓ نہیں تھی،صبر وتحمل اور برداشت کے بول سے میں انھیں خود رورو کر تسکین اور تسلی دے رہا تھا، مگر بھئ کہاں سے ملے گا ایسا مخلص اور مربی انسان؟کون کرے گا ہماری ایسی سرپرستی؟کون نبھاۓ گا ہمارا اس قدر گارجین شپ؟کون رکھے گا ہمارا اس طرح خیال؟کون وقت بے وقت رہ نمائ کرے گا ہم سبھوں کی؟کون تعارف کراۓ گا بزرگوں سے ہمارا؟کون گائیڈ کرے گا ہمیں؟جیسی دسیوں باتیں اور یادیں جذبات کے تہہ خانوں سے نکلنے لگیں،سامنے بہار کے نہایت ہی باصلاحیت اور جوان سال عالم دین مفتی اطہر القاسمی صاحب تھے جو ارریہ کے جمعیتہ علماۓ ہند کے سرپرست عالی جناب الحاج بذل الرحمن صاحب کی دائمی جدائیگی پر سسک سسک کر عرض گزار تھے۔