کرناٹک انتخابات سروں پر ہے۔ ملک کی سیاست فی الحال کرناٹک کے ارد گرد گھوم رہی ہے۔ ایسا لگتا ہے کہ ملک میں کرناٹک میں انتخاب کے علاوہ کوئی اور سرگرمی نہیں ہورہی ہے۔ ملک کے وزیر اعظم نریندر مودی کے بیانات اپوزیشن کے نشانے پر ہیں۔ تو اپوزیشن بھی بھاجپا اور نریندر مودی کو ہر ممکن طور پر گھیرنے کی کوششوں میں لگی ہوئی ہے۔ ایک موقع پر تو وزیر اعظم نے ’’ دی کیرالہ اسٹوری‘‘ نامی فلم کی تعریف ہی کردی۔ حالانکہ فلم سازنے اپنے ٹیزر میں کئے گئے دعوے سے مکر گئے اور تیس ہزار کا آنکڑا تین میں محدود ہو کر رہ گیا۔

منی پور اس وقت جل رہا ہے ۔ 8؍اضلاع میں کرفیو لگا دیا گیا ہے ۔انٹر نیٹ کی خدمات پانچ دنوں کے لیے بند کر دی گئی ہیں ۔ وزیر اعلی منی پور حالات پر قابو پانے میں پوری طرح سے ناکام ہیں ۔ کچھ اراکین اسمبلی دہلی آئے ہیں کہ مرکزی حکومت سے بات کی جائے لیکن سب کرناٹک کے الیکشن میں لگے ہوئے ہیں ، منی پور کی کسی کو فکر نہیں ہے ۔ دفعہ 144؍نافذ کر دی گئی ہے ۔

منی پور میں حالات دن بدن خراب ہوتے جا رہے ہیں۔ بدھ کو قبائلیوں کے مظاہرے کے دوران تشدد ہوا تھا۔ جس کے بعد 8 اضلاع میں کرفیو نافذ کر دیا گیا۔ہے ۔ساتھ حکومت نے فسادیوں کو دیکھتے ہی گولی مارنے کا حکم دیا ہے۔ دفعہ 144 تشدد سے متاثرہ علاقوں میں لاگو ہے۔ پوری ریاست میں 5 دن کے لئے انٹرنیٹ سروس بند ہے۔آل انڈیا ٹرائبل اسٹوڈنٹ یونین نے بدھ کو قبائلی یکجہتی مارچ کا اعلان کیا تھا۔

’’ یہ سیاست آدمی کو لے چلی ہے اس طرف ؍جس طرف سے لوٹنے کا راستہ کوئی نہیں ؍یہ گنہگاروں کی بستی اس لیے خاموش ہے ؍بھید کھل جانے کے ڈر سے بولتا کوئی ۔‘‘

حقیقت ہے کہ بچوں کو ٹرینوں سے اتارکر یا سٹیشنوں سے پکڑ کر پولیس کے حوالے کرنے والے لوگ یا نام نہاد تنظیمیں اچھی طرح جانتی ہیں کہ یہ بچوں کی ٹریفکنگ کا معاملہ نہیں،یہ لوگ تعلیم حاصل کرنے کے لیے باہر کہیں جارہے ہیں،محض اپنی بدمعاشی اور معصوم بچوں اور ان کے گھروالوں کو ہراساں کرنے کے لیے یہ خبیث ایسی حرکت کرتے ہیں؛لیکن یہ سمجھ میں نہیں آتا کہ ہر سال اس قسم کے واقعات رونما ہونے کے باوجود آخر ہمارے لوگ(ان بچوں کو لے جانے والے علمااور ان کے گارجین) سمجھتے کیوں نہیں ہیں