جھاکھنڈ کے دھات ڈیہہ گاؤں میں تبریز انصاری کو چوری کے شبہہ کے نام پر کھمبے سے باندھ کر پٹائی کی گئی تھی اور ساتھ ہی جے شری رام کا نعرہ بھی لگوایا گیا تھا۔ موب لنچنگ کیس میں ۲ بری، سزا اعلان ۵ جولائی کو کیا جائے گا۔ تبریز انصاری کی بیوی شائستہ نے ۱۰۰ لوگوں کے خلاف مقدمہ درج کرایا تھا۔

وزیر اعظم نریندر مودی اپنے امریکی و مصر کے 5 روزہ دورے سے واپس آچکے ہیں۔ اتوار کو بھارتی وزیر داخلہ امت شاہ نے دہلی میں منی پور کے وزیر اعلی این بیرن سنگھ سے ملاقات کی۔ واضح رہے کہ منی پور کے حالات گذشتہ ایک مہینوں سے نہایت ہی خراب ہیں۔ حالات معمول پر آنے کا نام نہیں لے رہے ہیں۔ دوسری جانب بھارتی وزیر اعظم نریندر مودی منی پور کے حالات پر خاموش ہیں۔ جس پر تشویش کا اظہار کیا جارہا ہے۔

اطلاعات کے مطابق بہار کے پٹنہ میں اپوزیشن جماعتوں کی میٹنگ کے اختتام کے بعد میڈیا سے خطاب کرتے ہوئے نتیش کمار نے کہا کہ یہ ایک اچھی میٹنگ تھی۔ ایک ساتھ آگے چلنے کا اتفاق ہوا ہے۔ ملکارجن کھرگے نے کہا کہ آئندہ اگلی میٹنگ کریں گے۔انہوں نے مزید کہا کہ جو لوگ حکومت میں ہیں وہ ملک کے مفاد میں کام نہیں کر رہے ہیں۔

بہار کے وزیر اعلیٰ نتیش کمار کی دعوت پر ملک بھر کی اپوزیشن جماعتیں آج پٹنہ میں جمع ہو رہی ہیں، جہاں 2024 کے انتخابات کی حکمت عملی پرباہمی تبادۂ خیال ہوگا۔