ممتا بنرجی کے رخ میں تبدیلی

ممتا بنرجی کے مذکورہ بیان سے ناراضگی ظاہر کرتے ہوئے کانگریس کے سینیررہنما ادھیر رنجن چودھری نے کہا کہ بنگال کیا ہے، ہر جگہ جہاں ضرورت پڑے گی  الیکشن لڑیں گے۔ کانگریس لیڈر نے کہا، "جب انتخابات ہو رہے تھے، ممتا نے کبھی بھی کانگریس کے تمام امیدواروں کو جتانے کی اپیل نہیں کی۔ ممتا یوپی اور بہار جا کر بی جے پی کی مدد کرتی ہیں۔ کرناٹک نہیں گئے کیونکہ وہاں کانگریس لڑ رہی تھی۔ادھیر رنجن چودھری نے کہا، "کرناٹک میں کانگریس کی جیت کے بعد، انہیں یہ احساس ہونے لگا کہ اس کے بغیر بنگال میں آگے بڑھنا مشکل ہے۔ بنگال میں کانگریس کی گرفت مضبوط ہوتی جارہی ہے۔ممتا بنرجی پر حملہ کرتے ہوئے انہوں نے کہا کہ کرناٹک میں جیت کے بعد بھی انہوں نے راہل گاندھی کا نام نہیں لیا۔ بھارت جوڑو یاترا کے دوران بھی انہوں نے راہل گاندھی اور اس یاترا کا نام تک نہیں لیا۔