گنجریا رینی کرکٹ فیسٹیول: ٹرافی رسیا یونگ اسٹارز کے نام ۔ ضلع پریشد ممبر کے ہاتھوں انعامات کی تقسیم
______________
گنجریا یونگ بوویز کے زیر اہتمام ایک رینی کرکٹ فیسٹیول کا انعقاد کیا گیا جس کا فائنل مقابلہ آج بتاریخ 25 اگست، 2024 کو کھیلا گیا۔ فائنل میں گنجریا نیشنل کلب اور رسیا یونگ اسٹارز کی ٹیموں نے شاندار کھیل کا مظاہرہ کیا۔ مقابلہ نہایت ہی سنسنی خیز رہا اور بالآخر رسیا یونگ اسٹارز کی ٹیم فتح یاب ہوئی۔
فاتح ٹیم کو ٹرافی اور نقد انعام ضلع پریشد ممبر جناب جاوید اختر صاحب اور بلاک ممبر ذیشان صاحب عرف راجو نے اپنے ہاتھوں سے دیا۔ رنر اپ ٹیم یعنی گنجریا نیشنل کلب کو بھی ان کی شاندار کارکردگی پر ٹرافی اور نقد انعام سے نوازا گیا۔ یہ انعامات جناب سمیع خان بھائی، پروفیسر شہباز چشتی اور منظور احمد نوری وارڈ ممبر نے اپنے ہاتھوں سے دیے۔
فائنل کی اس پروقار تقریب میں اہم مہمان کے طور پر ڈاکٹر صادق الاسلام صاحب نے بھی شرکت کی، جبکہ رضی احمد وارڈ ممبر بھی موجود تھے۔ اس کے علاوہ، شائقین کی ایک بڑی تعداد نے بھی اس مقابلے کا لطف اٹھایا اور دونوں ٹیموں کے کھلاڑیوں کو خوب داد دی۔
یہ ٹورنامنٹ اپنے کامیاب اختتام کو پہنچا اور اس کی کامیابی پر تمام شرکاء مبارکبادی کے مستحق ہیں۔ خصوصی طور پر، گنجریا یونگ بوویز کی انتظامیہ کو خراج تحسین پیش کیا گیا جنہوں نے اس شاندار اور کامیاب ٹورنامنٹ کا انعقاد کیا۔ تمام ٹیموں اور کھلاڑیوں کی کارکردگی کو سراہتے ہوئے یہ امید کی جاتی ہے کہ آئندہ بھی ایسے ہی دلچسپ اور کامیاب ایونٹس منعقد ہوتے رہیں گے۔
