کاش ہم ہوش میں آتے

خیر علم بھی ایک نشہ ہے ۔خدمت خلق اور دوسروں کو فائدہ پہنچانے کی سوچ بھی اکثر نشے اور جنوں کی حد اختیار کر لے تو انسان خود کو بھی بھول جاتا ہے اور پھر کوئی اسے کیا کہتا ہے ۔اس کے بارے میں کیا سوچتا ہے اسے اس کا بھی خیال نہیں رہتا اور وہ شخص صرف اپنے اس نشے میں ہی مست رہتا ہے ۔فرق اتنا ہے کہ لوگوں کا تعلق رحمنٰ سے ہو جاۓ۔ تو ان کے جنون سے بھی دنیا کو فائدہ پہنچتا ہے ۔لوگوں کی سوچ میں شیطانیت داخل ہو جاۓ تو ایک قلیل گروہ بھی کافی ہے دنیا کو نقصان پہنچانے کیلئے ۔آج تو اکثریت کی سوچ میلی ہو چکی ہے اور انسان سمجھتا ہے کہ وہ اپنی تدبیر اور سائینسی تجربات سے کچھ بھی کر سکتا ہے ۔انسان کچھ نہیں کر سکتا۔انسان کی ساری ترقی قدرت کے اصول کے بغیر صرف ایک کھیل اور تماشا ہے ۔کیا ہم نہیں دیکھتے کہ کیسے ایک زلزلے کے جھٹکے نے گجرات کے شہر بھج ۔بھارت میں نیپال اور حالیہ دنوں میں  پاکستان افغانستان اور جاپان کو ہلا کر رکھ دیا اور ترکی کے زلزلے سے بھی اگر انسان کے ذہن سے جدید ترقی کا نشہ نہیں اترا۔  اور یہ دنیا حرام حلال کی تمیز کے بغیر اسی طرح ترقی کرتی رہی؛ تو ایک دن وہ اپنی اسی ترقی کے ملبے میں دفن ہو چکی ہو گی ۔کاش دنیا عاد و ثمود اور یونان و روم جیسی ترقی یافتہ قوموں سے سبق لیتی ۔اگر صرف طاقت کے نظریے اور جدیدیت کو ہی تہذیبوں کی بقاء کا ضامن قرار دیا جاۓ ؛تو یونان اور مصر کی ترقی یافتہ تہذیبوں کو زوال نہیں آنا چاہئے تھا ۔مگر جب انسانی ترقی فطرت کے خلاف بغاوت پر آمادہ ہو تو اس کا زوال یقینی ہے اور ماضی کی یہ ترقی یافتہ قومیں اسی سبب سے تباہ ہوئیں ۔یقین کر لیجئے اب اٹھارہویں صدی کی جدید ترقی اور مادہ پرستانہ تہذیب کا اپنا رخ اور رویہ بھی بہت ٹھیک نہیں ہے ۔قرآن نے یوں ہی یہ بات نہیں کہی ہے کہ