طلب ، سکون اور انسان

اب میں کسی سے یہ نہیں کہہ سکتا کہ آپ زیادہ خاموش نہ رہیں صبر نہ کریں اور سوچیں نہ ورنہ بیمار پڑ جائیں گے ۔سوچ کے سیلاب پر آج تک کوئی لقمان حکیم بھی باندھ نہیں باندھ سکا ہے ۔اس کا ایک ہی علاج ہے اور وہ ہے نیند لیکن پھر سوال اٹھتا ہے کہ سوچنے والے کو نیند ہی کہاں آتی ہے ۔ میڈیکل سائنس میں نیند کی گولیاں ت آتی ہیں اور وقتی نیند آ بھی جاتی ہے لیکن آدمی ہمیشہ اس کا عادی ہو جاتا ہے اور خود ڈاکٹر بھی یہ دوا اسی کو تجویز کرتا ہے جسے بہت زیادہ سوچنے کی بیماری ہو اور اسی سوچنے کی وجہ سے خون کے دوران کے بڑھ جانے کے سبب لوگوں میں فالج یا برین ہیمریج کے خدشات لاحق ہو جاتے ہیں ۔اس میں کوئی شک نہیں کہ موجودہ میڈیکل سائنس کے پاس بہت ساری بیماریوں کا علاج ہے لیکن میڈیکل سائنس بھی صرف سرجری میں کامیاب ہے باقی ایلوپیتھی دوائیں ایک مرض سے کسی مریض کو راحت پہنچاتی بھی ہیں تو جسم کے دوسرے اعضاء کو نقصان بھی پہنچاتی ہیں  ۔ہاں ایسے مریضوں کا ماہر نفسیات سے علاج ضرور کروایا جاتا ہے جو ایسے مریضوں کا علاج باتوں کے ذریعے ہی کرتے ہیں ۔سوال یہ ہے کہ جب باتوں سے علاجِ کیلئے ہزاروں روپئے خرچ کرنا ہے تو اللہ کے کلام سے بہتر کس کی بات ہو سکتی ہے ۔آدمی کو سکون حاصل کرنا ہے تو قرآن کو ترجمے کے ساتھ سمجھ کر پڑھے ۔اس طرح رفتہ رفت اس کی طلب اور دلچسپی اس دنیا سے ہٹ کر ایک دوسری خوبصورت اور حقیقی دنیا کی طرف بڑھے گی اور پھر اس دنیا کی طلب میں وہ خیر خیرات اور نیک کام کی طرف بڑھے گا ۔یہ بات ماضی اور حال کے تجربات سے بھی ثابت ہے کہ خیر خیرات اور نیک کام کرنے والے ہی سکون میں رہتے ہیں باقی چوروں ، بدمعاشوں اور مفاد پرستوں کو کبھی سکون نہیں ملتا ۔قرآن اسی لئے کہتا ہے کہ دلوں کا سکون اللہ کے ذکر میں ہے ۔یہ ذکر قرآن کے علاوہ تو کوئی چیز نہیں ہے ۔لیکن بدقسمتی سے ہم نے اسے ترک کر کے اپنی دنیا اور آخرت دونوں کو خراب کر لیا ہے ۔پہلے کے لوگوں کی مثال لے لیں ہم سے زیادہ اگر وہ سکون سے تھے یا مطمئن تھے اور انہیں اتنی زیادہ سوچنے کی بیماری لاحق نہیں تھی تو اس لئے کہ وہ ہم سے زیادہ مذہب اور کتاب پر عمل کرنے والے تھے جبکہ ہم اپنے سکون اور راحت کا حل انسانی فلسفے میں ڈھونڈھ رہے ہیں ۔علامہ نے ان پہلے والوں کیلئے ہی جہاں یہ بات کہی کہ